Longobardeath
Ki L'è Dür

LA RECENSIONE

Polenta e vin ross a fan ben ai oss !!!!! - Recensiun scrivüda in dialètt Lumbard, in umagg a 'sto cumplèss.

Seri dree a parlaà cun gli amiis, quand che 'n dì i ma parlaà de 'n cumpless che 'l vegneva de Milan. I se ciamen Longobardeath, cume i Longobard, però moort. E praticament i fan propi 'n bel metal pesaant, che l'è cantà sü in dialét. E podi minga negà che in principi al ma pareva propi 'na gran cagada de poori ciful, se non che pö se son ricredü: fatto che l'è, u tacà a scultai un pò ben, in principi cunt un suriis, e pö dopu tacavi a riid cume 'n pirla. A ie guidaà dal legendari Ul Mik, alla vus, che l'è un pò el lider dal cumpless, che'l canta incazaà cume 'n vün che l'ha becaà la dona in lett cul cerveleè. Pediluvi l'è introduzion, pö ghè Lader che la parla dei asen che han sempru guvernaà 'sto Paes de deficeent, e Fossa che l'è la püseè düra del disc. I'an fai sü anca la cuverta de "The Ace of Spades", canzon dei Crapa-de-Mutor: la se ciama L'Ass de Picch e l'è faia propi ben, a la ta fa pisaà adoss dal riid. Necrorapina invece l'é quela che la ta faà riid püseè amò de tücc. Piase' de Mazà l'è 'n umagg ai Creatur, difatti l'è la tradüzion de "Pleasure to Kill", così cume A Voeri Ves Un Quai Vun l'è 'na cuverta dei W.A.S.P., Wanna Be Somebody. Pö a sarà sü 'l disc ghè tri canzun sunaà dal viif.

Se pö te tègnet anca cünt che il titul de l'album al fa 'l vers al disc dei Metalica, "Kill'em All", ta capiset che l'propi genial: Kill 'em All = Ki l'è Moll, Ki l'è Dür! E in effetti la saris anca ovia... Questu disc a l'han registraà sü nel domilacinq. E quest'ann i'han anca tiraà fö un disc che 'l sa ciama "Polenta Violenta" che l'è già tütt un prugrama. Ad ogni modu, l'è 'n disc mia tant facil de 'scultà, sopratütt se ta set minga milanees o comunque Lumbard.

In sustanza, 'sto disc chì a l'è propi de cumprà, per vedè cume i pò vèss simpatic e bambi allo stesso tempo i gent italian.