me łavee łe me membra e ł'acqua no scarichea,
pensee al mondo fora e ła porta driłò.
Aton me indichea a via e svania.
Go inseguio ła so forma traverso i bosc de ła me vida.
Labirintici foje e ram, sałide e discese.
Soto un cołesel de vide spineła, Aton verzea un buso.
N'ostaria de zente scura e trista, me acogłiea.
Un vecio investigador, un tisio che veniea da Enetidłea,
un elfo che mutea in nano e in druido serà dentro
dełe sbare trasparenti e me disea: -son el sciao del drago-
I pipistrełi no i ze quel che sembra me dise Aton,
el me primo sonio de ła me vida, el me primo ricordo
el ze stat un pipistreło che veniea verso de mi,
verso i zinque ani soniee un vampir che caminea
soto un arco de ła me batia verso l'ingreso.
na corda picada sua ponta del rudere abaziałe,
che puntea al cieło no pi longa de medo metro,
l'enetidłeo indichea verso e nuvołe e me dise:
-el me scojo voa nel temp e neło spasio..
..torna e varda el to momento pasà-
L'investigador sembrea viver a stesa vida ogni dì
confuso e strasia, ze giunto ała conclusion
de no poder far altro pa cambiar e robe.
lacrimoso e rabioso me dise: -anca se te finise
a to storia, Tina zontarà qualcosa".
Mi ciapo e me storie senza finałe, łe schinzo e łe buto,
ma dentro a me testa e vive, sempre, nel vodo.
Carico i commenti... con calma