Mark Frost & David Lynch
Twin Peaks: The Return

me lavee le me membra e l'acqua no scarichea,
pensee al mondo foro e la porta drillò.
Aton me indichea a via e svania.
Go inseguio a so forma traverso i bosc de me vida.
Labirintici foje e ram, salide e discese.

Soto un colesel de vide spinea, Aton verzea un buso.
N'ostaria de zente scura e trista, me acogliea.
Un vecio investigador, un tisio che veniea da Enetidea,
un elfo che mutea in nano e in druido serà dentro
dele sbare trasparenti e me disea: -son el sciao del drago-

I pipistrei no i ze quel che sembra me disse Aton,
el me primo sonio de a me vida, el me primo ricordo
el ze stat un pipistreo che veniea verso de mi,
verso i zinque ani soniee un vampir che caminea
soto un arco de a me bazia verso l'ingreso.

na corda picada sua ponta del rudere abaziale,
che puntea al cieo no pi longa de medo metro,
l'enetidleo indichea verso e nuvoe e me disse:
-el me scojo voa nel temp e neo spasio..
..torna e varda el to momento pasà-

L'investigador sembrea viver a stesa vida ogni dì
confuso e strasia, ze giunto ala conclusion
de no poder far altro pa cambiar e robe.
lacrimoso e rabioso me disse: -anca se te finise
a to storia, Tina zontarà qualcosa".

Mi ciapo e me storie senza finae, le schinzo e le buto,
ma dentro a me testa e vive, sempre, nel vodo.