Benvenudi a tuti siori e siore de debaser!
Non ghe sarie molto da dir riguardo sto dischel dei metaica, ma xe dixenbre e xemo drio deventar tuti pi boni, ma atenxion: no pi cojoni. A providenza la vou che par me fortuna a durada de sto castron le de solche un ora e diexe minuti. Se xonton anca el dischet delux a xe n'altra ora e vinti minuti; saria na bestema dir che tuti sti minuti ie bei, ma anca durante un raspon a do man prima o poi a capea te bruxa.
G'avee intenxion de far un trak bai trak ma a me paxienxa xe finia prima del dovuo e dunque ve ciapé su pal cul sta invettia contro la banda mericana.
Madona cara Jeims sarie da strucarte quee ganaxe che to mare te a crea e strender forte forte che par tirarme via i ga da ciamar gesù cristo e tuti i santi, ma davero pensitu che semo tuti dei gran rincojonidi? Vutu decidar de finirla qua e tornar a casa coe baeote che toca tera e fartee lecar da a to mojera cusì da aver almanco una sodisfaxion in te a vida? To amigo Lars varda, le diventà un bradipo: pa soperir a la veocità che nol ga, el se mete a xogar coe bachete come i bociaze de Treviso che i sta a girarse un canon da drio piaxa dei siori. A mi me despiaxe ma dove lo aveo asa kirch? El podarie essar l'unico che il cambiarie e cose in sto grupo de merda ed invexe el sta in periferia, el cura i so ricioi e se tira un segon insieme a trugilo che ormai el xe bon solche de movar a testa, ormai l'avarà a crapa voda con quel che ghe resta de material grigio che sbatocia de qua e de à.
I metaica me i vedarie ben aa fiera de Signoresa infianco ae cover bend dei pin floi e ae baere col liscio, opura, all'odisea nea stanxa dedicada ai ani otanta, a girar come un furlo tra maicol gexon e braian adam. Sto obrobrio le coma magnar un minestron col piron, le come vardarse la mare strafiga de to amigo e no farse na sega sora a so biancaria, le come movar el cavaeo su a scachiera dreto par dreto.
Son deuso, ma son deuso par davero, no pensee che i avarie fat n'altro stronzo fora daea secia, son sbatuo, mi speree che ad una certa i ghe avarie fat vomitar i schei, ma come con Silvio me sbajee, a nesuni ghe fa schifo i schei fin quando te pol sgrafarli aa xente mona e rincojonida che pensa chel metal sia a musega definitiva: ma situ drio scherzar? Con tut el ben de dio che ghe ne a sto mondo, atu davero intenxion de scoltarte n'altro fracassa maroni de dischet dei metaica? Prima che sti qua i fae qualcosa de bon in tea vida, mi riusciria a tajarte e vene par longo con un cuciaro mentre ho na scoa impirada su pal cul e scoar par tera nel mentre, voee farme scoltar un'ora de musica de merda? Almanco limiteve a trenta minuti, cioé limiteve cristo re.
Quindi siori e siore ase star, se ve mai piaxesti i metaica, evité sto luame. Se non ve mai piaxesti dubite forte che ve piaxaria sto qua. Se santengher el xe a prova de l'esistenza de Dio ande a far in cueo, strapeve e recie a morsi, butéve verdorame su pai oci e bevé varachina a coaxion. Scusame ma ora vae a farme na poenta coe uganeghe el formai cot.
Carico i commenti... con calma